Mér líður vel núna ..komin heim...þar er nú best..

En vikan hefur verið erilsöm ....svo það er gott að vera komin heim og geta bara hringað sig fyrir framan sjónvarpið eða tölvuna......  Það er fyrst frá því að segja að ekki fór Ólöf í gegnum síuna um hlutverk í Söngvaseið ....en líklega var hún of hávaxin í hlutverkið því hún var höfðinu hærri en þær sem fóru áfram í lokaprufuna.....en hún er sátt og gleðst með vinkonu sinni sem fékk hlutverk.....  Hún snéri sé þá að því að æfa lag fyrir undankeppni Samfés í söngvakeppni félagsmiðstöðvanna og er nú að keppa úti í Árseli.....  við komum heim  á handahlaupum nú um kl 19.30 en keppnin átti að byrja um kl.20.00...... Ólöf fór nefnilega að keppa í handbolta suður í Hafnarfjörð nú kl. 18.00 og ég get sagt ykkur að ég hef aldrei horft á eins svakalegan leik og þennan leik, á móti Haukum í Strandgötunni, hann var ótrúlega harður og ruddalegur... en ég er fegin að allar nema ein komust nokkuð klakklaust frá honum og viti menn þær eiga að hitta þær aftur í bikarkeppninni á næsta þriðjudag.....  ...en við uuuuuuunnnnum.... vei.

Eiginmaðurinn er nú á herrakvöldi Fylkis eins og um 8-900 aðrir karlmenn....þetta er yfirleitt mikið hátiðarkvöld  fyrir alla karlmenn í Árbæjarhverfi.....og mikið tilhlökkunarefni hjá mörgum...  Við

héldum okkar árlega þorrablót í leikskólanum og borðuðum þorramat og skemmtum okkur saman í sal......starfsfólk mætti flest í lopapeysum af ýmsum gerður og svo voru tveir í upphlut.....eða í "gömlum sparikjólum " eins og eitthvert barnið sagði.....  

Fréttir vikunnar og atburðir hafa litað umræðu og líðan fólk í kringum okkur þessa viku ....fjölskyldu og vina meðlimir hafa þurft að standa frammi fyrir skrílnum á Austurvelli sem hefur haft það að leiðarljósi að vera í sérstöku stríði við lögregluna......og því miður hefur tekist að slasa einn.....hann er sem betur fer á batavegi......  en vonandi fer þessu skrílslátum að ljúka.... 

Ég fór í bíó nú í vikunni og það er bara í annað sinn á 10 dögum ......ótrúlegt ..maður fer ekki í bíó  mánuðum saman og svo tvisvar með stuttu millibili við fórum einar 7 úr vinnunni að sjá Sólskinsdrenginn og é mæli með að allir sjái þessa mynd hún er alveg frábær og gefur manni nýja sýn á hvað er einhverfa.... 

Viðgerðin á saxafóni Þórðar fór vel tryggingarnar okkar hafa ákveðið að greiða fyrir viðgerðina og erum við afskapleg þakklát fyrir það og áttum eiginlega ekki von á því en við erum með allar okkar tryggingar hjá Sjóvá og höfum aldrei verið með tjón svo þetta er bara alveg frábært...... 

En gangið hægt um gleðinnar dyr en njótið helgarinnar......