Alltaf er eitthvað að gerast í þessari fjölskyldu...

það er engin lognmolla í gangi hér ....frá því síðast var skrifað hefur ýmislegt verið í gangi.....  Ólöf Kristín hefur haldið áfram í prufunum í Söngvaseið og nú kemur í ljós fyrir hádegi á morgun hvort hún kemst áfram í loka prufuna sem fer fram á mánudagskvöldið.... það mun bara hafa sinn gang ...en frábært að hafa komist í 80 manna úrtakið...hún er ánægð með sína frammistöðu og meira er ekki hægt að gera........ 

Þórður varð fyrir því óláni á leiðinni heim til Danmerkur að saxafónninn hans skemmdist á leiðinni.....  síðastliðin 3 ár hefur hann ferðast með hann á milli landanna og alltaf tekið hann  með í handfarangur, því hann kemst í farangurshólfin fyrir ofan sætin.....en hvað skeður hann er skikkaður til að setja hljóðfærið niður í farangursgeymslu vélarinnar...... þegar hann kemur út í flugvélina og minn maður verður  ekki glaður..... og viti menn þegar hann fær hljóðfærið úti í Danmörku þá er kassinn opinn og eitthvað skemmdur að honum sýnist ....það er svo ekki fyrr en hann á að spila á hljóðfærið tveim dögum seinna að það kemur í ljós að saxafónninn er stórskemmdur og ekki hægt að spila á hann... Nú er hann í viðgerð og þar kom í ljós að einnig kassinn er ónýtur og það þarf að kaupa nýjan.......niðurstaðan í þessu er að þetta er kostnaður upp á 60-70 þúsund sem er bara góður biti  fyrir efnalítinn námsmann í útlöndum ......Við höfum sent greinagerð til flugfélagsins en erum nú ekki of viss um að þeir líti svo á að þetta sé þeim að kenna.......en ef það verður ekki komið eitthvað á móts við strákinn í þessu máli......þá er ég nokkuð viss um að fjölskyldan forðist að fljúga með því flugfélagi..... á næstunni..    Þetta er alveg ótrúlega sárt  með hljóðfærið því Þórður hefur passað uppá það eins og  sjáaldur augna sinna frá því hann fékk það........enda kostar það í dag rúmlega 400.000 þúsund......

Jæja nóg um það eiginmaðurinn átti afmæli í gær þann 17.janúar.....  Við nenntum nú ekki að halda afmælisveislu  .....og fórum því bara í pönnukökur til pabba og mömmu .......þar hittum við því megnið af minni fjölskyldu ...... en við slógum í eina köku og vöfflur í dag og við fengum Bergþóru og Jóa, Nonna og Teddu, mömmu og pabba og Fríðu tengdamömmu í kaffi og var það ósköp notalegt............... en við mæðgur gerðum afmælisbarnið alveg orðlaust og næstum gráti nær ....en það var vegna þess að við Ólöf gáfum honum "GÍTAR"  og byrjendabók í gítarkennslu....... ....ha ..ha....ha.... hann hefur nefnilega átt sér leyndan draum að geta spilað á gítar .....og nú er boltinn hjá honum .....ég veit nú ekki hvort þetta verður upphafið af því að hann verði óþolandi í öllum veislum sem framundan eru ........en það kemur bara í ljós......

Annars hefur vikan verið bara nokkuð góð....ég fór í bíó sem ég hef ekki gert lengi og sá myndina Ástralía og var hún alveg frábær við fórum nokkrar úr vinnunni saman í bíó og skemmtum okkur vel ....mæli með þessari mynd..... 

 

-Í hvert sinn sem eitthvað gott hendi þig láttu þá eitthvað gott henda einhvern annann-