Ég hef verið löt hér að undanförnu....en smá bragarbót á því ...

Nú eru pabbi og mamma flogin út í heim ......flugu til sinna árlegu dvalar á Kanarí... þau ætluðu sko ekki að missa af fluginu....  þau voru mætt tímalega á völlinn ....eða 4 tímum fyrir flug... og geri aðrir betur .......... ég hefði sko alveg viljað slást í för með þeim ....þau ætla nú að vera í 7 vikur og koma til baka 1.apríl..... Hafliði og Gugga ætla til þeirra 25 febrúar ásamt fleirum úr ættinni.......

Af öðrum er það að frétta að Ólöf kom sá og sigraði í söngvakeppni samfés í sinni félagsmiðstöð..  Það veitir henni aðgang að aðalkeppni Samfés sem er fram í Laugardalshöll þann 21.febrúar og verður keppninni útvarpað ...svo þeir sem vilja hlusta á hana geta það, keppnin hefst kl. 14.00.  Hún hefur líka verið að keppa á fullu í handboltanum og hefur einnig  keppt með 3.fl  undanfarið .....mér finnst þetta svolítið  mikið en hún verður að finna það út sjálf..... þær eru efstar bæði í 4 og 3 flokki og komnar með bæði liðin í undankeppni í bikarnum.....  í dag byrjuðu svo æfingar á Gilitrutt sem Tónlistarskólinn ætlar að setja upp og sýna í Óperunni.......þannig að það er engin lognmolla í kringum mína ...hún finnur sér alltaf eitthvað að gera.. 

Það er mikið um að vera í leikskólanum þessa dagana, skólinn verður 40 ára á morgun 12.febrúar og ætlum við að gera okkur dagamun og bjóða aðstandendum og gestum upp á kaffi kl 15.00-16.30 ...það er  mikil spenningur hjá börnunum ..   Svona til gamans þá er ég búin að vera leikskólastjóri þarna síðan í águst 1988 eða rúm 20 ár. 

Það er annars allt gott að frétta að drengjunum mínum þeir eru að plumma sig ágætlega ...
Palli og Herdís eru komin með naggrísi og ekki bara einn heldur tvo....   Þórður hefur verið með einhverja flensu en er nú að komin á fætur og farin að vinna aftur en skólinn er í vetrarfríi þessa viku.  Hann stefnir á að koma heim í tvær vikur í sumar og hafa þá Emilie með sér .... 

Annars hefur frúin dottið illilega niður í fésbókina, mér finnst gaman að þessu formi samskipta og hef komist í tengsl við fólk aftur sem ég var í sambandi áður fyrr. ... bara gaman að því ...nú erum við búin að stofna hóp fyrir ættarmótið í sumar og þarna flykkjast ættingjarnir inn ...bara frábært

 

"Við stjórnum sjálf viðhorfum okkar og hugsunum"

þar til næst