Róleg og fín helgi ......

Nonni og Tedda komu hér á föstudagskvöldið og við spiluðum kana sem við Steini höfum ekki spilað í mörg ár held ég..... annars spiluðum við mikið í gamla daga..... þegar krakkarnir voru litlir og maður komst ekki mikið frá ....þá fékk maður vini í heimsókn og það var spilað.....kannski að slíkir tímar séu að koma aftur.....þ.e. að maður gefi sér tíma t.d til að spila.....

 Á laugardaginn var svo farið í pönnukökur til mömmu og pabba og þar hittum ég hluta af fjölskyldunni ......en ég þurfti að fara tiltölulega snemma því að ég fór á minningartónleika Vilhjálms Vilhjálmssonar.....alveg frábærir tónleikar......ég skemmti mér frábærlega .....hefði helst viljað dansa og syngja með.....mér fannst allt í einu boðskapur margra lagana hitta svo gjörsamlega í mark á þeim tímum sem við erum að ganga í gengum...og ég er viss um að ég kom betri manneskja út af þessum tónleikum .......og bara takk fyrir þetta framtak.  Þegar tónleikum lauk þá var komið að afmæli Nonna mágs.....hann boðaði til  "sammenkomst" fyrir vini og ættingja og var það mjög gaman....og við komum ekki heim fyrr en um miðnætti........  Síðan hefur sunnudagurinn liðið í rólegheitum....Ólöf fór að leika í þjóðleikhúsinu og við skruppum til Gulla og Bryndísar og skoðuðum allt það sem þau eru búin að gera ......nýja eldhúsið ...allar nýju hurðirnar....húsbúnað  og fl.   og svo auðvitað til að kveðja þau ....en þau eru að leggja af stað til Nýja Sjálands í fyrramálið ....þar ætla þau að vera hjá bróður Bryndísar í mánuð.......

Nú er það klárt að Palli og Herdís flytja Vestur á Ísafjörð 31 okt. þau hafa verið á fullu við að útvega sér það sem þau vantar af húsbúnaði og hefur það gengið vel hjá þeim....meira að segja þau eru komin með jeppa til afnota fyrir vestan....því Skodinn er ekki vænlegasti bíll til afreka í snjó. Annars er bara tilhlökkun komin í krakkana að fara vestur.

Það er allt gott að frétta af Þórði....fjármálakreppan á Íslandi kemur ekki svo mjög við hann því hann er að vinna með skólanum úti og hefur sínar tekjur í dönskum krónum......annars hefur verið mikið að gera hjá honum...leiksýningarnar voru teknar upp aftur og hafa gengið frábærlega ......  Þórður sagði að þau  hefðu verið að sýna fyrir fullu húsi og fólk hefði staðið upp í lok sýningar og klappað fyrir þeim ...... nú er von um að þau fari með þessa sýningu í skóla í Danmörku og þá er líka von um að fá  einhverja peninga fyrir sýningar.....við vonum bara  að það gangi eftir. 

Segjum þetta gott í kvöld og góða nótt til ykkar allra "Verið góð hvert við annað"

Komin heim í heiðardalinn........

Þá erum við komin heim og ósköp er nú alltaf gott að koma heim ....þrátt fyrir allan darraðar dansinn í þjóðfélaginu.....  Ferðin heim gekk vel og var mun þægilegri en ferðin út...við flugum með "Trabant" út, en fengum góða vél og nýju sætin á leiðinni heim...ekki hægt að leggja að jöfnu.  Nú eru reikningarnir úr þessari litlu verslun sem gerð var að berast okkur og auðvitað á hæsta genginu eða kr. 166- pr.dollar... en við munum þola það...þó lítið hafi farið fyrir því að versla á útsölum... ....Það var erfitt að vakna í morgun... en það hafðist og var ég í vinnunni til kl. 19.00 þurfti bæði að fara inn á deild og vinna síðan upp uppsöfnuð verkefni .....en nú er ég komin heim og ég held að ég fari snemma að sofa í kvöld.... 

En í ljósi aðstæðna í landinu í dag þá munið "Aðgát skal höfð í nærveru sálar"

 

Dagur 10 og 11.mánudagur og þriðjudagur......við erum bara í hálfgerðu losti hér..

...að fylgjast með fréttum að heiman.... Annars fórum við í góðri trú til Syracuse til að versla svolítið í gær.....gengið virtist þolanlegt þá ....en eftir að skoða stöðu gengismála í dag þá hef ég grun um að það sem verslað var í gær hafi farið inn á vísagengið kr. 166 á dollara sem er komið í dag...arg arg ..arg..og við eigum eftir að ganga frá bilaleigubílnum og hótelinu.....en svona er þetta og við ætlum okkur að koma heim....og því er best að borga..hvað sem manni finnst um hlutina.... 

Annars áttum við notalega kvöldstund með mom og dad á Cold Brook  í gærkveldi....borðuðum dádýrakjöt og bláberja og epplapæ..... mom gerir alveg snilldar pæ...en Ólöfu finnst orðið nóg um þetta pæ það hefur verið á borðum 4-5 sinnum í ferðinni og það er ekki í uppáhaldi hjá henni ..... Heidi og Matt fara líka í dag þau eiga flug m kl. 14.00 (18.00) og við um kl. 15.15(19.15) nú erum við á leið í morgunmat og klára að ganga frá svo við kveðjum að sinni sjáumst eða heyrumst á morgun...

Kveðja frá öllum í USA

Dagur 8 og 9 Laugardagur og Sunnudagur......gengið hefur á ýmsu ....

Það hefur ekki verið gæfulegt upplitið á fólkinu í dag sunnudag.... Það hófst með því að Daníel fór að kvarta um í maganum um miðjan dag í gær (laugardag) við héldum okkar áætlun og fórum til Kim og fjölskyldu í gærkveldi .......þar byrjaði  Daníela að kasta upp...síðan fór Ólöf að kasta upp....svo við fórum heim.. mér var farið að líða illa svo það var ekki um annað að ræða en að drífa sig heim......kvöldið hafði annars verið mjög gott....þegar við komum upp á hótel þá byrjar ballið ....Ólöf var að æla til kl. 02 um nóttina ......hefur verið í lagi síðan....Daníel var í alla nótt að æla ......en er orðin góður núna .....en ég hef verið bara hundveik síðan í gærkveldi þá byrjaði ég á uppköstum og var ælandi í alla nótt og ekki nóg með það að það kom hina leiðina líka.....þannig að ég hef ekki reyst höfuð frá kodda í allan dag ...sofið og er nú að skríða saman ......Steini og Þyri hafa líka fengið velgju og vanlíðan en ekki eins og við hin þrjú....  Við vorum búin að ákveða að fara og skoða Nigera Falls en við slepptum því að sjálfsögðu í dag svo það verður ekki í þessari ferð...  En nú eru allir að skríða saman og á morgun  (mánudag) ætlum við að fara til Syracuse og versla ...Þyri ætlar líka að kíkja við hjá fólki sem hún þekkir þar..

En snúum okkur að laugardeginum ....við gerðum nú ýmislegt þrátt fyrir að endirinn á deginum væri ekki í okkar anda...við fórum á graskerahátíð sem haldin er hér í Cortland þessa helgi... það var verið að keppa um stærsta graskerið ... keppni um graskerarétti.....alskyns sölutjöld með heimagerðum varningi...skemmtiatriði s.s sekkjapípuleikur og dansar frá Skotlandi, dixiland músík og fl. ...og leiktæki fyrir börn......það var gaman að sjá þetta........ Þaðan fórum við upp á Col Brook því við ætluðum upp í skóginn og grilla pylsur og sykurpúða...við fengum okkur göngu uppeftir  en mom og dad fóru á bílnum og leyfðu krökkunum að sitja á pallinum...eins og þau gerður fyrir 10 árum og að sjálfsögðu fór Steini með þeim ......þegar við  hin komum uppeftir þá var dad búin að kveikja upp eld......við grilluðum og sungum aðeins...en svo þurftum við Steini að fara að gera okkur klár því við áttum að mæta hjá Kim kl. 17.00......Daníel vildi koma með okkur svo við fórum 4 þangað.....Kim og Steini voru vinir þegar hann var hér og konan hans Beth var í bekk með þeim....Kim er leikstjóri og kennari i leiklistarsögu við Cortlans college.......þegar við vorum hér fyrir 10 árum voru þau ný búin að kaupa hús sem er í elsta hluta Homer....síðan þá hafa þau verið að gera það upp og það er gríðlega vinna sem þau eru búin að gera og mikið eftir......Húsið er 190 ára gamalt og er..... 600 fermetrar á tveimur hæðum...  þau eru að mestu búin með neðri hæðina og hluta upp..... en það sem vakti athygli mína var að það var óskaplega kalt uppi....það er vegna þess að þau kynda bara uppi ef einhver er þar ......en hafa svo slökkt á hitun á nóttunni....það er svo óskaplega dýrt að hita allt þetta hús.......en það er að verða mjög fallegt hjá þeim.. Við boðruðum hjá þeim og spjölluðum en síðan var heimsóknin endasleppt eins og fyrr hefur komið fram.....

Veðrið var fallegt í gær farið að kólna og var héla á jörðu þegar við vöknuðum ...trén hafa líka breytt um lit síðan við komum hér ...... ég held að ég láti þetta vera gott í bili og þrátt fyrir að við höfum lítið gert annað en að sofa í dag þá er ég að hugsa um að fara að sofa aftur..og vera hress í fyrramálið

Dagur 7 Föstudagur......við höfum átt frábæran dag í dag....

Við höfum ekki verið að flýta okkur á morgnanna og þessi morgun var engin undantekning á því .....borðuðum og spjölluðum en síðan skruppum við Steini og Þyri í smá verslunarleiðangur vegna matarveislu kvöldsins......við skruppum á grænmetismarkaðinn og náðum okkur í ferskt grænmeti ...og Steini og  Þyri smökkuðu ýmsar ostategundir ...þau ákváðu að taka nokkra osta með heim.. ...Við fórum síðan í súpermarkaðinn og þar fundum við ýmislegt sem vantaði til viðbótar ásamt því að við fundum ýmislegt til heimilisins sem við ætlum að taka með heim..... krakkarnir nenntu ekki með okkur svo þau voru bara heima á hóteli og skemmtu sér í tölvunum sínum.....Við fórum síðan til mom og dad með innkaupinn .....þegar við komum þangað var pakkinn hans Palla komin þangað og enginn vissi almennilega hvað þarna var á ferðinni.....svaka stór kassi með tveimur litlum kössum innan í..........jú þarna voru komnir aukahlutirnir við robot ryksuguna hans Palla .....við eigum bara eftir að finna út hvernig við pökkum þessu niður.......jæja við fórum síðan og sóttum krakkana og fengum okkur smá í svanginn, keyrðum síðan  um bæinn....skoðuðum litinn í trjánum ....þeir hafa verið að breytast frá degi til dags ....Um fimm leytið þurfti að fara að koma matnum á stað ......s.s lambalærunum sem við komum með okkur að heiman.....og það er skemmst að segja frá því að þau systkinin lögðu vel saman í eldamenskunni og útkoman var frábær....allir tóku vel til matar síns og dásömuðu íslenska lambið......um.um.um.......mom hafði svo bakað tvær pæ ,  epla og bláberjabæ.....alveg snilld ......ég hugsa að sonum mínum hefði þótt þær góðar...

Heidi og Elen voru búnar að safna fyrir mig laufblöðum ........þegar við komum á Cold Brook í dag .....voru búnar að setja laufin á vaxpappír til að halda þeim heilum á leiðinni heim....mig langaði svo að fara heim með amerísk laufblöð og sína krökkunum í Árborg öðru vísi laufblöð en við höfum á Íslandi.....   En við komum heim á hótel um 23.30 og ætlum að taka deginum á morgun rólega.... okkur Steina og Ólöfu er síðan boðið í mat annað kvöld hjá Kim skólabróður Steina, Þyri hefur ekki ákveðið enn hvort hún kemur með okkur eða verður með mom og dad.....kemur í ljós á morgun.

Það var örlítið hlýrra í dag en í gær ...sólin skein í dag og það var fallegt veður.....nú í kvöld hafði kólnað verulega og líklega hitinn komin  niður í ca. 4-5 gráður... það er sérstakt að það er svakalega mikið myrkur hér á kvöldin og  nóttunni...það fer að dimma skart um kl 18.30 og verður fljótlega mjög mikið myrkur.... það er lítið um ljósastaura og fólk er ekki að lýsa mikið upp utan húss ...ef ekki þarf á því að halda....svo þetta er svolítið mikið öðruvísi en heima .....

jæja ég mun reyna að bæta inn myndum það hefur ekki verið mjög auðvelt en ég sé til .

Við sendum bara okkar bestu kveðjur heim frá öllum í USA

Dagur 6 Fimmtudagur .....og dagur hér að kveldi komin....

Við tókum daginn rólega framan af .....krakkarnir lærðu ... Steini, Þyri og Heidi skruppu niður í bæ og keyptu blóm til að færa afmælisbörnunum.. í tilefni dagsins því 2.október 1948 giftu þau sig Connie og Donald Steger og þau hafa búið á Cold  Brook síðan 1952 og ræktað tré...landið þeirra er 500 hektarar af skóglendi sem dad hefur nostrað við allar götur síðan og gert að mjög verðmætu landi... ég held örugglega að ég sé með réttar tölur..en landið er nokkuð stórt........jæja en í dag var haldið upp á 60 ára brúðkaupsafmælið og fórum við á fallegan stað sem var í 45 mínútna akstursfjarlægð héðan....dad sagði að þau hjónin hefðu komið þarna á hverju ári í 59 ár... og fyrst þegar þau komu þarna var engin matseðill heldur stóðu þjónarnir við enda borðsins og þuldu upp það sem var í boði í það og það skiptið....  Við vorum fjórtán, fjölskyldan , þar með talin við og vinahjón þeirra, Mike  og Pat ....en Mike var þjálfari við Homer Central High þar sem Steini og Þyri voru í skóla.....Þau hafa verið gift í 62 ár ....alveg ótrúlegt.... Það var mikið spjallað og maturinn alveg frábær....Ólöf var ekki í vandræðum með enskuna og talaði óhikað við alla......lýsti meira segja fyrir Mike hvernig handbolti gengi fyrir sig ......ótrúlegt að þrátt fyrir að hafa verið íþróttaþjálfari þá þekkti hann ekkert til handbolta..... Þegar við komum til baka þá settumst við niður hér niðri í setustofu og spjölluðum saman....semsagt frábær dagur...... 

Á morgun stendur til að elda lambalærin sem við komum með frá Íslandi .....systkinin ætla að elda ......og hefur verið smá metingur um hvort eigi að elda og hvaða aðferð eða meðlæti verði ofan á .......en þau munu komast að niðurstöðu  í tæka tíð  vonandi.....stefnt er að því líka að reyna að sjá kalkúnana fljúga upp í trén þegar fer að dimma en það gera þeir víst á kvöldin...... líklega gerum við eitthvað meira fyrri partinn við sjáum til..

Í dag hefur kólnað enn og hefur hitinn verið um 6-7 gráður í dag og það hefur rignt mikið...það mætti alveg fara að stytta upp ........en við þekkjum nú alveg rigninguna svo þetta er ekki svo slæmt hún er nefnilega lóðrétt ekki lágrétt....svo það gerir gæfumuninn... 

Ég ætla að bæta aðeins  í Ameríku myndaalbúmið en síðan látum við þetta gott heita héðan úr hinni stóru Ameríku...kveðja til allra  Sigga og co.

Dagur 5. Miðvikurdagur ........áfram berast okkur skelfilegar gengistölur..

og nokkuð ljóst að við höldum okkur fjarri búðum um sinn...... og svo sem allt í lagi með það..Þyri og Daníel komu seint í gærkveldi og fóru fljótlega í háttinn.....við vorum þó öll komin á ról um kl. 9.00 í morgun og fengum okkur morgunverð......Við fórum til mom og dad eftir það....  Matt fór eldsnemma í morgun og fór á kalkúnaveiðar með dad og hann náði einum .....þannig að þakkargjörðarhátíð er bjargað hjá þeim.... Við sátum og spjölluðum fram yfir hádegi en þá fór Steini með krakkana í keilu í Cortlandi en mom og við stelpurnar fórum að skoða nokkurskonar listagarð og safn þar sem allt er unnið úr  endurvinnanlegum efnivið.....mjög sérstakt safn.  síðan fórum við í listamiðstöð sem staðsettur er í gamalli kirkju....við Þyri vorum nú ekki sérstaklega heillaðar af listaverkunum sem þar voru til sýnis .... Þegar þessu var lokið þá fórum við aðeins heim á hótel og lögðum okkur og síðan fór allur hópurinn út að borða saman um kl 17.30 því Heidi og Matt þurfa að sækja dóttur sína Ilse á flugvöllinn í Syracuse um 21.00 og þá eru allir komnir sem ætla að koma. 

Veðrið hefur skipst á með skúrum, sólskini og skýjuðu veðri.....hitinn hefur verið þokkalegur og fór líklega í 18-20 gráður í dag þegar sólin skein og niður í 12 gráður....

Ég ætla að setja inn nýjar myndir í Ameríkualbúmið frá deginum í dag..

Þetta er nú í stórum dráttum þar sem á dag okkar dreif í dag..... kveðja frá öllum í USA

Dagur 4 þriðjudagur..... nú skal haldið að sér höndum .....

ekki verður farið að versla í bili.... við ætluðum í áframhaldandi verslunarferð í stærstu íþróttavörubúðina á svæðinu.....en ákváðum að bíða og sjá hvað mundi gerast í gengismálum..... þetta er í raun alveg ótrúlegt að þegar við pöntuðum ferðina fyrir rúmum mánuði síðan var gengi dollarans 82 kr. en er komin í 106 kr.....  við geymum verslun allavega. 

Við höfum því bara tekið lífinu með ró og dólað okkur.. fórum út til mom og dad um kl. 15.00 og vorum að koma heim......  Ellen og Morgan sonur hennar komu um fimm leytið og Heidi og Matt komu um átta leytið..... það var gaman að hitta þau og mikið var talað ....við borðuðum öll saman og síðan fóru Heidi og Ólöf til Syracuse til að sækja Þyri og Daníel sem áttu að lenda um ellefu leytið....  nú býðum við bara eftir að þau komi, líklega verða þau þreytt þegar þau koma.... Annars er veiðitímabilið að byrja hér núna og byrjar á morgunn svo dad og Matt fara á veiðar í morgunsárið...

Það  hefur kólnað og hitinn í morgun var komin niður í 9 gráður og fór ekki hærra en 12-13 gráður, þurrt var framanaf en undir kvöld tók að rigna og hefur rignt mikið .....  hitinn fer lækkandi og verður svona í kringum 10 gráður næstu daga en kaldara á nóttunni.

Við höfum heyrt í strákunum  og bara allt í góðu hjá þeim.... Palli og Herdís fóru vestur til að líta á aðstæður og komu til baka mjög ánægð með það sem framundan er og spennt að takast á við nýja hluti.......Palli kemur til með að móta nýtt starf......og Herdís mun byrjað á að læra og koma sér inn í fræðin og mun fá tíma til þess...  þau tóku íbúðina sem var búið að bjóða þeim inni í Múlalandi svo það verða flutningar um næstu mánaðarmót.  Þórður hefur verið að vinna mjög mikið og er nú aftur byrjaður að æfa leikritið sem var frumsýnt í byrjun sept. ..........en nú verður það sýnt á annarri hátíð og það verða fleiri sýningar ... annars hefur hann verið eitthvað lasinn ..... en verið að vinna og fara í skólann þrátt fyrir það...... Nonni og Tedda eru svo bara í góðum gír...í vinnu og í skólanum og kemst ekki mikið annað að.

Þetta segjum við gott í bili og sendum öllum kveðju Sigga og co USA

Dagur 3 mánudagur... og það er ekki að spyrja að því.....

það hriktir í stoðum þjóðfélagsins um leið og maður yfirgefur landið.... en það er ekki bara á Íslandi sem allt skelfur í fjármálaheiminum heldur hér vestan hafs líka það er ekki talað um annað í sjónvarpi en hrun á Wal Street og höfnun þingsins á björgunaraðgerðunum......  við gátum líklega ekki verið á ferðinni hér á óheppilegri tíma ....ef við hugsum út frá "búðum" ... En maður er nú ekki að láta hátt gengi á sig fá .... eða maður ætti líkleg að gera það....það þarf líklega að borga reikningana þegar við komum til baka.....við munum fara varlega í verslunina .....allavega erum við með góðan ásetning ....vonandi dugar það

Jæja við tókum daginn nokkuð snemma en fórum okkur rólega í morgun vorum lengi í morgunmatnum ....gestgjafinn var mjög ræðin og sagði okkur frá sögu hússins..... Þetta hús var byggt um 1825 ....þau keyptu það þegar það var nánast að hruni komið ......mom sagði að það hefði ekki munað miklu að hún hreinlega færi þarna að næturlagi og legði eld að því...ástandið hússins var svo hræðilegt..en Lee og kona hans keyptu það 1984 og létu gera það upp í sem upprunalegustu mynd ....og það hefur þeim tekist mjög vel þau hafa rekið Bed and brekfast í því síðan...Lee sagði okkur að hér hefði fólk búið þegar þau keyptu það og það hefði búið í tveimur herbergjum baka til og það hefði verið með hænur í einu herbergi á þriðju hæðinni... búið var að taka allt rafmagn af húsinu... og í raun var húsið óíbúðarhæft. Vonandi tekst mér að setja einhverjar myndi inn í albúmið, kemur í ljós...

En við ákváðum að skreppa í verslunarferð ..... já í moll .....í dag til Syracus... dóttirin var mjög umhugað að komast til að versla eitthvað ... og það gerðum við ...sjálfsagt hefði verið skinsamlegra að biða.... en fólkið er allt að koma á morgun... .seinnipartinn...svo eftir það verður dagskráin nokkuð þéttari hjá okkur...svo við ákváðum að láta þetta eftir henni...... Við fórum í "moll" sem er nálægt flugvellinum í Syracuse ....á meðan við Ólöf vorum í búðunum þá var Steini úti í bíl.... las bók... spjallaði við fólk sem átti leið hjá .... sjáið þetta fyrir ykkur ..honum leiddist ekki.....síðan hitti hann okkur og við fengum okkur snarl .... og við héldum áfram að versla en hann fór með pokana út í bíl....hann segist aldrei hafa farið í eins afslappaða verslunarferð.... 

Við erum búin að átta okkur á aðstæðum og vegakerfinu og það er bara auðvelt að rata hér um ...höfum ekki notað GPS tækið aftur .... notum það líkleg bara ef við villumst því við kunnum að stilla á Cool Brok Route ...s.s heim til mom og dad....  s. s góð í tækninni ha ha ha..... Við enduðum daginn á að fara til mom and dad og borða með þeim og spjalla.....nú erum við bara í rólegheitum í herberginu og förum að sofa fljótlega....skrítið hvað maður getur verið þreyttur á að gera ekki neitt... 

Það hefur kólnað í dag og hiti um 14 stig en kaldara nú í kvöld.... það hefur haldist nokkuð þurrt í dag .  Litirnir eru alveg ofboðslega fallegir á trjánum enda er þessi tími kallaður "indian sommer" eða indíána sumar vegna litadýrðarinnar.

jæja gott í bili knús til ykkar allra  Sigga og co í Ameríku

þá er að dagur tvö....sunnudagur

við vöknuðum um kl. 07.00 í morgun og gátum ekki sofið lengur við vorum búin að tala e um morgunmat kl. 9.00 svo við tókum því rólega..... við fórum svo í morgunmat og það var eins og að koma í borðstofu á óðalssetri þar sem okkur var þjónað til borðs... eigandinn hér heitir Lee og hann spjallaði við okkur og spurði mikið um Ísland og við reyndum að upplýsa hann að fremsta megni....... við tókum góðan tíma í morgunmatinn og fórum síðan upp aftur og viti menn ég sofnaði í tvo tíma en Steini las og lagði sig svo og Ólöf var í tölvunni......við fórum ekki út fyrr en um miðjan dag og þá keyrðum við hér um fórum niður í miðbæ Hómer og síðan inn í Cortland og fengum okkur smá að borða og komum við í stórmarkaði og keyptum lítilræði sem vantaði...  það hefur rignt hér í dag og verið þoka ...hiti hefur þó verið um 18 gráður en spáin næstu daga sýnist mér vera nokkuð blaut.. en við ætlum nú ekki að láta það trufla okkur. Eftir bíltúrinn fórum við til mom og dad og vorum þar til kl. 21.30 .....sveim mér þá við erum orðin syfjuð og þreytt þrátt fyrir að við höfum ekki gert nokkurn skapaðan hlut en hvíla okkur.... Við höfum ákveðið að fara til Syracus á morgun og kíkt í "moll" Steini er nú ekki sérlega spenntur en ætlar nú samt að fara með okkur....hann er jú bílstjórinn.. það er líka ágætt að vera búin að far áður en allri koma á þriðjudaginn... ég ætla að setja inn albúm og bæta við myndum í það næstu daga... en þangað til næst hafið það gott öll sömul..

kveðja úr henni Ameríku....